Қазақстанның Индустрия және инфрақұрылымдық даму министрі Роман Скляр көлік саласының барлық қызметкерлерін кәсіби мерекелерімен құттықтады.
“Құрметті көлік саласының қызметкерлері. Шын жүректен сіздерді кәсіби мерекелеріңізбен құттықтаймын! Бүгін біздің елімізде көліктік-транзиттік әлеуетті арттыруға бағытталған бірқатар стратегиялық маңызды инфрақұрылымдық жобалар жүзеге асырылуда. Атап айтқанда, мемлекеттік инфрақұрылымдық жоба, “Нұрлы жол” мемлекеттік бағдарламасы аясында “Батыс Еуропа – Батыс Қытай” ауқымды көлік дәлізі салынды. Сонымен қатар, Қазақстанның теңіз порттарының өткізу қабілеті 26,5 млн тоннаға дейін жеткізілді. “Жезқазған-Бейнеу”, “Арқалық-Шұбаркөл” теміржол тораптары салынды”, – деді Роман Скляр өз құттықтауында.
Министрлік басшысының айтуынша, көлік саласының барлық қызметкерлері марапатталады. Көлік саласының дамуына үлес қосқан басқа да мамандар да назардан тыс қалмайды. Олар да марапатқа ие болады.
Өзінің құттықтау сөзінде Скляр көлік саласының қызметкерлеріне зор денсаулық және жұмыста табыс тіледі.
