Индустрия және инфрақұрылымдық даму министрі Роман Скляр Үкімет отырысында 2025 жылдың соңына қарай 35000 километрге жуық жөндеу жұмыстарын жүргізу және жергілікті жолдар желісінің 95% -ын жақсарту жоспарланғанын мәлімдеді, деп хабарлайды NUR.KZ журналисі.
Министрдің мәліметінше, Қазақстан жолдардың жағдайы бойынша 59-шы орында және Дүниежүзілік экономикалық форумның жаһандық бәсекеге қабілеттілік индексінің рейтингісіне сәйкес жергілікті жолдар желісінің жағдайына халықтың қанағаттануы бойынша 106-шы орында тұр.
Өңіраралық инфрақұрылымды дамыту үшін жергілікті жолдарды қаржыландыру өткен жылы 156 млрд теңгеге дейін артты, бұл 4000 км астам жөндеу мүмкіндігін берді. 2019 жылдан бастап қымбат тұратын күрделі жобалардан, суық ресайклинг әдісімен үнемді орташа жөндеуге көшу жүзеге асырылуда.
Скляр, ҚР Президенті жергілікті жолдарды жөндеуді қаржыландыруды жыл сайын екі жүз миллиард теңгеге дейін арттыруды тапсырғанын атап өтті. Бұл шаралар 2026 жылға дейін 35000 шақырымға жуық жөндеу жүргізуге және жергілікті жолдардың 95 пайызын жақсартуға мүмкіндік береді.
Сурет: ria.ru
