Республикамыздың сыбайлас жемқорлыққа қарсы қызметі Таразда бүкіл адамзат үшін қауіп-қатерге айналған коронавирустық инфекциямен күресуге бөлінген бюджет қаражатын ұрлау тергеліп жатқанын хабарлады, деп жазады “ҚазТАГ” ақпараттық ресурсы.
Сыбайлас жемқорлыққа қарсы іс-қимыл қызметкерлерінің айтуынша, Жамбыл облысы денсаулық сақтау басқармасының лауазымды тұлғалары ақша жымқырды деген күдікке ілінді. Тергеу мәліметтері бойынша, олар медициналық бұйымдарды жоғары бағамен сату арқылы бюджет ақшасын ұрлаған. Мемлекетке келтірілген шығын көлемі шамамен 9 миллион теңгені құрады.
Сыбайлас жемқорлықпен күресушілер бюджет қаражатын ұрлау қылмысы бойынша, оны тергеу құпиясымен дәлелдей отыра, толық ақпарат берген жоқ.
Бұған дейін сыбайлас жемқорлыққа қарсы қызмет қызметкерлері Батыс Қазақстан облыстық денсаулық сақтау басқармасының басшысын ұстағаны хабарланған. Оған пара алды деген күдікпен қылмыстық іс қозғалды.
Тергеу нұсқасына сәйкес, облыстық денсаулық сақтау басқармасының басшысы өз көмекшісімен бірге 7,5 миллион теңге алған, сол үшін олар орындалған жұмыстар мен қабылдау актілеріне кедергісіз қол қоюға уәде берген. Тергеу жалғасуда.
Сурет: ohrana.ru
