ІІМ Үкімет қаулысының жобасын әзірледі, оған сәйкес Министрлік қызметкерлерінің шекті саны 148779-ға дейін қысқарады, деп хабарлайды Tengrinews.kz.
Жобаны әзірлеушілердің хабарлауынша, ол ішкі істер органдарын жаңарту жоспарына сәйкес келеді. ІІМ қызметкерлерінің саны 10592 адамға азайды.
Нұр-Сұлтан 221 полицейден айырылады, Алматы – 424. Шымкент полициясы 202 қызметкерге қысқарады. Қазіргі уақытта еліміздің ең ірі үш қаласында полиция қызметкерлерінің саны 2914, 4560 және 2123 қызметкер санымен шектеледі. Жалпы ішкі істер органдарының Әкімшілік полициясы 4380 адамға қысқарады.
ІІМ ведомстволық бағыныстағы мекемелерінің штат саны 4209 қызметкерге қысқартылатын болады. Тағы 2436 арнайы күзеттен кетеді. Қылмыстық-атқару жүйесінің штаты 1569 адамға қысқартылады.
Қаулы жобасы 24 сәуірге дейін талқыланады.
Сурет: Турар Казангапов
