Ішкі істер министрі Ерлан Тұрғымбаев қазіргі уақытта өзі басқарып отырған ведомствода учаскелік инспекторлардың өкілеттіктерін кеңейту туралы мәселе пысықталып жатқанын хабарлады, деп жазады nur.kz ақпарат ресурсы.
Тұрғымбаев жақында республикада ІІМ-нің кеңейтілген алқа отырысы өткенін, онда Президент Қасым-Жомарт Тоқаев нақты аумақта қылмыстың алдын алуда учаскелік полиция қызметкері басты рөл атқаратынын мәлімдегегін еске салды.
Учаскелік полиция қызметкерлерінің өкілеттіктерін кеңейту туралы айта келе, ІІМ басшысы учаскелік инспекторларға құқық бұзушыларға спирттік ішімдіктерді пайдалануға және жәбірленушіге жақындауға қысқа мерзімді тыйым салу құқығын беру жоспарланғанын айтты.
Сонымен қатар, Ішкі істер министрлігі учаскелік штабты ұлғайтуды, олардың еңбекақысын арттыруды және аға учаскелік инспектор лауазымын енгізуді жоспарлап отыр.
Бұған дейін Тұрғымбаев біздің мемлекетіміз Тәуелсіз Мемлекеттер Достастығы елдері арасында Global Peace Index бейбітшілік сүйгіштік рейтингінің көшбасшысы атанғанын айтқан болатын. Бұл тізімде барлығы 163 ел. Қазақстан 70-ші орында.
