2021 жылы біздің республика өз тәуелсіздігінің 30 жылдық мерейтойын атап өтеді. Осыған орай сотталғандарға рақымшылық жасалады. Қылмыстық-атқару жүйесі комитетінің бастығы Жанат Ешмағамбетов бұл шараның кімге қатысы болмайтынын айтты, деп хабарлайды newtimes.kz ақпарат ресурсы.
Ол республикада рақымшылық қолданылатын сотталған адамдардың санаттары әлі анықталмағанын мәлімдеді. Бірақ кез-келген жағдайда бұл шара кәнігі қылмыскерлерге және жыныстық қол сұқпайшылық үшін сотталған адамдарға, сондай-ақ экстремистік және лаңкестік қылмыс жасағандарға қатысты болмайды.
Сонымен қатар, егер бұрын сотталған адам рақымшылыққа іліккен болса, онда 2021 жылы ол бұл шараға тағы ілігеді деп үміттенбеуі керек.
«Рақымшылық жасау актісі қолданылған санаттар бар, егер адам бұрын рақымшылыққа іліксе, екінші рет рақымшылық жасалынбайды», — деді Ешмағамбетов.
ІІМ өкілі рақымшылық жасауға жататын қамаудағылар санаты республикадағы қылмыстың өсуіне әсер етпейтіндей етіп айқындалатынын атап өтті.
Келесі жылы қамаудағыларға рақымшылық жасалатыны туралы Президент Қасым-Жомарт Тоқаев жариялады. Бұл туралы ол қазан айының соңында өткен ІІМ кеңейтілген алқа отырысында мәлімдеді.
Сурет: newtimes.kz
