Қазақстан Республикасы Ішкі істер министрлігінің басшысы Ерлан Тұрғымбаев Министрліктің жаңа департаментінде адам саудасына қарсы күрес басқармасын құру жоспарланғанын айтты. Бұл туралы «Спутник Казахстан»жаңалықтар ресурсы хабарлайды.
«Адам саудасына байланысты қылмыстарды тергеу тәжірибесі жетілдірілуде. Жыл басынан бері осындай 107 факті анықталды. Сотқа 58 қылмыстық іс жіберілді», — деді ведомство басшысы.
Оның айтуынша, мұндай қылмыстар жиі ұйымдасқан және трансұлттық сипатқа ие.
«Сондықтан ұйымдасқан қылмысқа қарсы күрес департаментін құру жоспарлануда, оның құрылымында адам саудасына қарсы күрес басқармасы болады», — деп түсіндірді Ерлан Тұрғымбаев.
Ағымдағы жылдың 22 қазанында өткен ұлттық қоғамдық сенім кеңесінің отырысында Қазақстан Республикасының Басшысы Қасым-Жомарт Тоқаев адам саудасына қатысты қылмыстардың алдын алуға және анықтауға бағытталған нақты шаралар қабылдауды тапсырды.
Ұйымдасқан қылмысқа қарсы күреске қатысты ІІМ басшысы осы жылдың басынан бастап қылмыстық жауапкершілікке 16 көшбасшы, сондай-ақ қылмыстық топтардың 130 қатысушысы тартылғанын атап өтті. 150-ден астам атыс қаруы мен мыңға жуық оқ-дәрі тәркіленді.
Сурет: ru.sputnik.kz
