Қазақстанның ішкі істер министрі Ерлан Тұрғымбаев «Nut Otan»партиясында азаматтарды жеке қабылдады. Бұл туралы ІІМ ресми өкілі Нұрділдә Ораз хабарлады.
Ресми өкіл атап өткендей, тұрғындарда кейбір қылмыстық істерді заңсыз тоқтату мәселесі туындаған.
«Бүгінгі таңда түрлі өңірлерден 50-ге жуық адам өтініш білдірді. Азаматтар сондай-ақ бейнеконференц байланыс арқылы өз сұрақтарын қояды. Мысалы, Павлодар мен Алматының тұрғындары қылмыстық істерді тоқтату, тергеушілердің әрекеттеріне шағым беру мәселесі бойынша өтініш жасайды», — деді Нұрділдә Ораз журналистерге.
Ол сондай-ақ ішкі істер министрі ағымдағы жылдың көктемінде осындай қабылдау жүргізгенін атап өтті. Содан кейін 40 өтініш қаралды, олардың басым көпшілігі қатаң бақылаумен тергелді.
«Барлық мәселелерді қарастыратын болады. Сонымен қатар, көптеген азаматтар министрге бас прокуратура мен сотқа қатысты сұрақтар қояды. ІІМ-де белгілі бір өкілеттіктер бар. Осыған байланысты, біз азаматтардың прокуратураға немесе сотқа қандай да бір сұрақпен жүгінуін сұраймыз», — деп атап өтті ведомствоның ресми өкілі.
Оның айтуынша, азаматтардан түскен барлық өтініштер мұқият тексеріліп, қаралады.
«Азаматтарды қабылдау партия алаңында ғана емес, министрдің де министрлікте өз қабылдауы бар. Бұл өтініштердің санына байланысты. Бұдан басқа, бес бағыт бойынша қабылдауды Министрдің орынбасарлары жүргізеді. Сондай-ақ департамент басшыларының азаматтарды қабылдау үдерісі жүзеге асырылуда», — деді Ораз
