Қазақстандық құқық қорғау ведомствосының басшысы Ерлан Тұрғымбаев біздің республикамызда қылмыс деңгейі 25%-ға азайғанын айтты. Бұл туралы informburo.kz ақпарат агенттігі хабарлайды.
Министрдің айтуынша, қылмыс деңгейінің айтарлықтай азаюы Нұр-Сұлтанда — 34 %-ға, Алматыда — 35%-ға байқалады. Сонымен қатар Тұрғымбаев бұл қалаларда көшеде жасалатын қылмыстар саны 24 %-ға азайғанын атап өтті.
ІІМ басшысы төтенше жағдай режимі кезінде Қазақстанда тәртіпті ішкі істер органдарының 25 мыңнан астам қызметкері мен Ұлттық гвардияның 5 мың жауынгері қамтамасыз етіп жатқанын айтты. Сонымен қатар, 7 мыңнан астам полицей еліміздің өңірлерінде қойылған 298 жол тосқауылдар күзетінде екенін мәлімдеді.
«Патруль саны мен полиция мен Ұлттық ұлан нарядтарының жиілігі артты. Көшелер, саябақтар, скверлер, тұрғын үй алаптары, сауда нысандары және банктер барынша қамтылды. Алдын алу жұмыстарына волонтерлер белсенді түрде тартылады», — деді Ерлан Тұрғымбаев.
Министр Ішкі істер органдарының қызметкерлері коронавирус ауруымен ауыратындармен тығыз байланыста болған азаматтарды іздестіріп, медициналық мекемелерге жеткізуге көмектесіп жатқанын айтты.
