Қазақстан Ішкі істер министрлігінің басшысы Ерлан Тұрғымбаев коронавирус туралы жалған ақпарат тарату туралы айтты, деп хабарлайды “Қазақпарат” ақпарат агенттігі.
ІІМ басшысының айтуынша, Қазақстанда инфекция туралы жалған ақпарат тарату фактілері анықталуда.
“Жалған хабарламалардың авторлары нақты медициналық мекемелерді, елді мекендерді атайды, жұқтырған, қайтыс болған адамдардың санын көрсетеді, ойдан шығарылған тыйым салулар туралы айтып, жазады”, – деді Тұрғынбаев.
Министр біздің республикада індет туралы жалған ақпарат таратудың 45 фактісі тіркелгенін мәлімдеді. Оның айтуынша, барлық авторлар анықталып, сотқа дейінгі тергеу жүргізілуде.
Сондай-ақ Ерлан Тұрғымбаев төтенше жағдай режимі кезінде жиі тәртіп бұзушылардың бірі сауда нысандары мен ойын-сауық орындары болып табылатынын айтты.
Министрдің айтуынша, 1800 тәртіп бұзушы әкімшілік жауапкершілікке тартылды, олардың 400-ден астамы қамауға алынып, 500-не айыппұл салынды. Қалған материалдар соттарда қарау сатысында.
Сурет: zakon.kz
