Құқық қорғау ведомствосы бүгінгі таңда біздің республикамызда тұрақты тұруға рұқсаты бар 141 мыңнан астам шетелдік бар екенін мәлімдеді.
Ішкі істер министрлігі Қазақстанда 18 мыңнан астам шетел азаматтары уақытша есепте тұрғанын атап өтті. Салыстырсақ: өткен жылы олар 20 есе көп болды – шамамен 372 мың.
Біздің елімізде уақытша есепте тұрған шетелдіктердің ең көп саны көрші Өзбекстаннан келді – 8 670 адам. Бұл рейтингте екінші орынды Ресей азаматтары – 5 227 адам. Үшінші орында қырғызстандықтар -ь1 003 адам.
Бұған дейін Қазақстан Ұлттық статистика бюросы 2020 жылға көші-қон деректерін жариялаған болатын. Олардың айтуынша, өткен жылы Қазақстаннан 29 мыңнан астам адам кетті. Ал, біздің еліміз11 мыңнан астам мигранттың жаңа қонысына айналды.
Алдыңғы жылдармен салыстырғанда біздің елден кеткен мигранттар саны 35,6%-ға азайды. Сарапшылардың пікірінше, бұл коронавирустың таралу қаупіне байланысты енгізілген шектеу шараларына тікелей байланысты.
