“Адам құқықтары жөніндегі Италия Федерациясы” (FIDU) бақылаушысы Данияр Хасенов құқық қорғау қызметі үшін ұсталып, қылмыстық жауапкершілікке тартылды. FIDU өкілдері Қазақстан билігін волонтерді қудалауды тоқтатуға шақырады. Бұл туралы FIDU баспасөз қызметі хабарлады.
“Бұл әрекет Қазақстанда құқық қорғаушылар үшін қауіпсіз жағдайлардың жоқтығын көрсетеді. FIDU Қазақстан билігін азаматтық және саяси құқықтар туралы халықаралық пакті және ЕО-мен кеңейтілген әріптестік және ынтымақтастық туралы келісім бойынша өз міндеттемелерін орындауға, атап айтқанда, сенім бостандығын, жиналыстар бостандығын қамтамасыз етіп,саяси себептер бойынша қудалауды тоқтатуға шақырады. Біз Данияр Хасеновты дереу босатып, оған қатысты қылмыстық қудалауды тоқтатуды талап етеміз”,-деп хабарлады FIDU баспасөз қызметі.
Ұйымда,олардың деректері бойынша, Қазақстанда адам құқықтарының ахуалы айтарлықтай нашарлағанын мәлімдеді.
“FIDU бірнеше жыл бойы Қазақстандағы, сондай-ақ басқа елдердегі адам құқықтарының ахуалын талдау мақсатында жергілікті және халықаралық ҮЕҰ-мен байланыс орнатты және тиісті халықаралық міндеттемелерді тиімді орындау үшін сындарлы диалогты қолдайды. Осы мақсатта FIDU 2018 жылы және 2019 жылдың алғашқы айларында мониторинг және мүдделерді қорғау бойынша бірқатар дала миссияларын өткізді.
Биыл Қазақстандағы адам құқықтарының ахуалы айтарлықтай нашарлады. 2019 жылдың маусым-шілде айларында бейбіт митингілерге қатысқан 5 мыңнан астам адам өрескел түрде ұсталды. Қазіргі уақытта, FIDU және қазақстандық құқық қорғау ұйымдарының мәліметтері бойынша, Қазақстанда 20 – дан астам саяси тұтқын бар”, – деп қосты ұйымда.
