26 қазанда Алматы облысына ҚР премьер-министрі Бақытжан Сағынтаев жұмыс сапарымен келді, деп хабарлайды Zakon.kz.
Сапар барысында премьер кәсіпкерлік жұртшылықпен кездесті.
«Kagazy Recycling» ЖШС Бас директоры Виктория Горобцова зауыт туралы, сондай-ақ проблемалар туралы Бақытжан Сағынтаевқа баяндады.
«Біздің кәсіпорын Қазақстан мен Орталық Азиядағы ең ірі макулатураны өңдеуші, өңделген шикізаттан қағаз және гофро ораманы өндіруші болып табылады. Кәсіпорында 650 адам жұмыс істейді. Қазір біз Кедендік одақ енгізілгеннен кейін Ресейге, Өзбекстанға, Қырғызстанға шығарылуына байланысты шикізат тапшылығын бастан өткеріп отырмыз. Уақытша тыйым 2016 жылғы қараша айынан бастап 2017 жылғы мамыр айына дейін әрекет етті және бізге өте көмектесті. Тыйым салуды ұзартып, біздің кәсіпорынға және бүкіл индустрияға көмектесуді сұраймыз», — деді Виктория Горобцова.
