Қазақстан Республикасының Сыртқы істер министрлігі Алматыға Тбилисиден гуманитарлық көмек келгенін айтты, деп хабарлайды “ҚазТАГ” жаңалықтар ресурсы.
Сыртқы істер министрлігінің хабарлауынша, құрамына өкпені жасанды желдету 10 аппараты кіретін гуманитарлық көмек елімізге “Грузияның индустриялық тобы” директорлар кеңесінің төрағасы Давид Бежуашвилидің атынан берілген.
Жақын арада өкпені жасанды желдету аппараттары республикамыз астанасының медициналық мекемелеріне бөлінеді.
Еліміздің сыртқы саясат ведомствосының өкілдері өз кезегінде грузиялық тарапқа індеттің таралуына қарсы күресте қолдау көрсеткені үшін ризашылығын білдірді.
Сонымен қатар, коронавирус пандемиясы басталғаннан бері Қазақстанға Ресей Федерациясынан, Біріккен Араб Әмірліктерінен, Үндістаннан, Пәкістаннан және тағы да басқа мемлекеттерден ізгілік көмек жеткізілді.
Соңғы мәліметтер бойынша, біздің елімізде коронавирус инфекциясын жұқтырудың 48574 жағдайы ресми түрде расталды, 15907 адам осы аурудан емделді.
