Бүгін Қазақстан Сыртқы істер министрлігінің басшысы Бейбіт Атамқұлов Грекия елшісі Александрос Катранистың еліміздегі дипломатиялық миссиясының аяқталуына байланысты кездесу өткізді. Бұл туралы ҚР сыртқы саяси ведомствосының баспасөз қызметі хабарлады.
Кездесу барысында біздің сыртқы істер министрі Грекия елшісіне Қазақстан мен Греция арасындағы екіжақты байланыстарды дамытуға қосқан қомақты үлесі үшін алғысын білдіріп, оған естелік сыйлық табыс етті.
Сонымен қатар, ҚР сыртқы істер министрлігінің басшысы Грекия Қазақстанның Оңтүстік Еуропадағы басты әріптестерінің бірі болып табылатынын атап өтті. Атамқұлов екі ел арасындағы ынтымақтастық одан әрі жалғасатынына сенім білдірді.
“Тараптар шарттық-құқықтық базаны кеңейту және экономикалық және технологиялық ынтымақтастық жөніндегі үкіметаралық комиссия аясындағы жұмыстың жаңа перспективалық бағыттарын анықтау қажеттігін атап өтті”, – деп хабарлады ҚР Сыртқы істер министрлігінде.
Кездесу соңында грек елшісі Қазақстан билігіне Қазақстан-Грек ынтымақтастығын нығайту жөніндегі жұмысына қолдау көрсеткені үшін алғысын білдірді.
Сурет: kaztag.info
