Қазақстанның Есеп комитетінің басшысы Наталья Годунова Сенат отырысында Мемлекеттік кәсіпорындарды тексеруді жүйелі түрде жүргізу қажеттігін айтып, өйткені олар ел бюджетінен түсім алмауы тиіс екенін мәлімдеді. Бұл туралы “Zakon.kz ақпарат агенттігі хабарлайды.
“Өткен жылы Елбасы Қауіпсіздік кеңесінің отырысында ҚазАгро тиімсізді жұмыс істемейтіндігін айтқан болатын. Қазір біз онда аудит жүргіземіз. Нәтижелер туралы айту әлі ерте, бірақ холдинг құрылғаннан бері оған 1 трлн 600 млрд теңге аударылды. Оның 495 млрд теңгесі бюджет және Ұлттық қор есебінен”, – деп ақпарат берді Годунова.
Сондай-ақ Годунова соңғы 2 жылда ҚазАгро өз қызметін шығынмен аяқтайтынын айтты. Сонымен қатар, компанияда сәтсіздікке ұшыраған жобалар бар.
“Мұны мен мемлекеттік активтердің тиімділігі туралы мәселеге қатысты айтамын. Қазір жекешелендіру жоспары іске асырылуда. Бірақ оңтайландырудан кейін қалған квазимемсектор субъектілердің мүмкіндігінше шығынсыз болуы маңызды”, – деді Наталья Годунова.
Наталья Годунова аталған мәселелерді шешу арқылы мемлекеттік активтерді басқаруға өзгерістер енгізіледі деп санайды.
“Мемлекеттік кәсіпорындарға кешенді тексеру жүргізу, квазимемсекторды дамыту жоспарына оның жалпыұлттық мақсаттарға жетудегі рөлін ашатын міндеттер мен көрсеткіштерді енгізеді. Әйтпесе бұл кәсіпорындар мемлекетке қажет емес. Егер олардың міндеті тек пайда табу болса, онда бұл таза бизнес және олай болса мемлекеттік ақша есебінен жүргізілмеуі керек”, – деді Годунова.
