Төтенше жағдайды енгізу мүмкіндігін қарау және барлық ықтимал шараларды президент, премьер-министр және ішкі істер министрі талқылауы туралы Үкімет өкілі Бенджамин Гриво мәлімдеді.
«Біз мұндай оқиғалардың қайталанбауы үшін қажетті шаралар туралы ойлауымыз керек», — деді ол Europe 1 радиосының эфирінде.
Францияда бірнеше апта бойы жалғасып келе жатқан бензин бағасының қымбаттауына қарсы наразылыққа ондаған мың адам қатысып, полициямен қақтығыс та орын алған.
Сенбі күні наразылық бүкіл елді қамтып, көзден жас ағызатын газ пайдаланылды.220 адам қамауға алынды,110 адам жараланды, оның ішінде 17 полицей мен екі журналист.
Француз теледидарының хабарлауынша, тәртіпсіздіктерді ең шеткі оң және сол жақтар қозғалысы ұйымдастырған.
Сурет: Интерфакс
