Қашқын банкир Мұхтар Әблязовтың адвокаты AFP-ге Парижде оған Қазақстан қозғаған іс бойынша 7,5 миллиард доллар ұрлады деген айып тағылғанын хабарлады.
Жерар Чолакян жақында Францияда саяси баспана берілген Аблязовқа «ауырлататын жағдайларда сенімге қиянат жасағаны» және «ақшаны жылыстатқаны»үшін айып тағылғанын хабарлады.
Чолакян Париж прокуратурасы Қазақстаннан шағым алғанын атап өтті. Қазір Әблязов сот қадағалауында.
2017 жылы Қазақстан Үкіметі Парижде қашқын олигархқа шағым түсіріп, оны БТА-банктен 7,5 миллиард доллардан астам қаражат ұрлады деп айыптады. Әбілязовты Қазақстан, Ресей және Украина 5 миллиард долларға жуық доллар ұрлады деген күдікпен іздестіруде.
Француз заңы сотқа Франциядан тыс жерде жасалған қылмыс үшін экстрадициялау саяси себептермен қабылданбаған шетелдікті соттауға мүмкіндік береді.
2017 жылы Қазақстанда Әблязов сырттай жымқыру, қызмет бабын теріс пайдалану және қылмыстық топты ұйымдастыру үшін кінәлі деп танылып, 20 жылға бас бостандығынан айырылды. 2018 жылғы қарашада сот қашып кеткен банкирді өмір бойына бас бостандығынан айырып, оны 2004 жылы «Тұран Әлем Банкі»АҚ басқармасының бұрынғы төрағасы Ержан Тәтішевтің өлімін ұйымдастыруға кінәлі деп таныды.
Сурет: zakon.kz
