Eurasian Resources Group компаниясының халықаралық тобы Павлодар облысында әлеуметтік жобаларды қаржыландыратын болады. Бұл туралы “Қазақпарат” ақпарат агенттігі хабарлайды.
Еуразиялық топ қазақстандық аймақтағы әлеуметтік жобаларды жүзеге асыруға, Екібастұзда құзыреттілік орталығын ашуға және Ақсу қаласында жылу алмастырғыштарды орнатуға 2,9 миллиард теңге бөледі.
Бұл облыс әкімі Әбілқайыр Сқақов пен Eurasian Resources Group бас атқарушы директорының орынбасары Альдияр Қазтаев арасында қол қойылған меморандум аясында жасалады.
Құжатқа қол қою кезінде аймақ әкімі Әбілқайыр Сқақов соңғы 8 жылда Еуразиялық топ облыстағы көптеген жобаларды жүзеге асыруға 20 миллиард теңгеден астам қаржы салғанын атап өтті.
Қол қою рәсіміне Еуразиялық топтың директорлар кеңесінің төрағасы Александр Машкевич да қатысты. Ол Павлодар облысында іске асырылатын жобалардың өзектілігін атап өтіп, олардың тиімділігіне сенім білдірді.
Eurasian Resources Group активтерінің негізгі бөлігі Қазақстан Республикасында орналасқан халықаралық компаниялар тобы болып табылады.
Сурет: inform.kz
