Ресей Федерациясы Кеңесінің төрағасы Валентина Матвиенко Өзбекстан Еуразиялық экономикалық одаққа қосылуды жоспарлап отырғанын хабарлады.
«Өзбекстан президенті шешім қабылдады, қазір Өзбекстанның ЕАЭО-ға қосылуы туралы мәселе қарастырылуда», — деді Матвиенко.
Сондай-ақ, Ресей Федерациясы кеңесінің спикері Өзбекстанның ЕАЭО-ға қосылуы туралы мәселені келісу ұзаққа созылмайтындығына сенім білдірді. Ол Өзбекстан Республикасының одаққа кіруі ЕАЭО-ға қатысушы барлық елдердің игілігіне жүретінін айтты.
«Өзбекстанның ЕАЭО-ға кіруі екіжақты өзара іс-қимыл үшін жаңа мүмкіндіктер береді және Ресей мен Өзбекстан қарым-қатынасында бар кедергілерді жояды», — деп толықтырды ол.
