Еуразиялық экономикалық комиссия алқасының мүшелері Еуразиялық экономикалық одақтың Органикалық ауыл шаруашылығы өнімдерінің бірыңғай нарығын құру жөніндегі Жол картасының жобасын бекітті. Бұл туралы ЕЭК баспасөз бөлімінде айтылды.
«Органикалық өнімнің бірыңғай нарығын қалыптастыру ЕАЭО – ның базалық мақсатына — тауарлардың еркін айналымына жауап береді және бірінші кезекте одақ шеңберінде өзара сауда кезінде бизнеске әкімшілік жүктемені төмендетуге бағытталған», — деп хабарлады комиссияның Өнеркәсіп және агропромплекс бойынша министрлігінің басшысы Артак Камалян.
Камалянның айтуынша, органикалық өнімдерге әлемдік сұраныс деңгейінің артуы аясында бұл үрдістің ЕАЭО-ға қатысушы елдерде де дамуы, сондай-ақ Одақтың мұндай тауарлары үшінші мемлекеттердің нарықтарына шығу мүмкіндігіне ие болуы маңызды.
Қазіргі уақытта барлық серіктес елдерде осы саладағы құқықтық қатынастарды реттейтін заңдар қабылданды және күшіне енді.
«Жол картасына» сәйкес одаққа мүше елдердің Органикалық ауыл шаруашылығы саласындағы заңнамасының жалпы талаптарын белгілеуге бағытталған халықаралық келісімнің жобасы әзірленетін болады.
Бұл талаптар органикалық өнімдерді өндіру, таңбалау, сертификаттау және өңірлік бірлестіктің кедендік аумағына әкелу, сондай-ақ сәйкестікті бағалау туралы құжаттарды өзара тануды қамтамасыз ету тәртібіне қатысты.
Сурет: economist.kg
