ЕАДБ және » RenEll Co. Ltd.» Көкшетау, Ақтөбе, Атырау, Ақтау, Тараз, Павлодар және Қарағандыда көпбейінді ауруханаларды салу және пайдалану бойынша ынтымақтастық туралы меморандумға қол қойылды. Бұл туралы банктің баспасөз қызметі хабарлады.
Біздің еліміздің қалаларында көп бейінді ауруханаларды салу және пайдалану жөніндегі жобалар мемлекеттік-жекеменшік серіктестік тетігі бойынша іске асырылатын болады, олар денсаулық сақтауды дамытудың 2020-2025 жылдарға арналған мемлекеттік бағдарламасында көзделген.
Банкте тараптар жобаларға, соның ішінде арнайы жобалау компанияларын құру арқылы инвестициялардың барлық нұсқаларын ортақ күшпен зерделейтінін атап өтті.
Өз кезегінде «RenEll Co.Ltd.» компаниясының директорлар кеңесінің мүшесі Камиль Яникомероглу олардың тарапы Еуразиялық даму банкімен ұзақ мерзімді ынтымақтастыққа мүдделі екенін мәлімдеді.
«ЕАДБ-ның айтарлықтай әлеуметтік-экономикалық ықпалы бар жобаларды қаржыландыру жөніндегі стратегиялық бағытын ескере отырып, біз ұзақ мерзімді ынтымақтастық орнатуға мүдделіміз», — деп атап өтті ол.
Сурет: psl74.ru
