Ағымдағы жылдың 25-27 қыркүйегінде Қырғызстан астанасында «Еуразия апталығы–2019» IV халықаралық көрме форумы өтеді.Онда Қазақстан ЕАЭО-ға қатысушы елдермен бірлесіп ЕАЭО азаматтары мүдделерінің даму стратегиясын талқылайды.Бұл туралы Еуразиялық экономикалық комиссияның баспасөз қызметі хабарлады.
26 қыркүйекте «Еуразия апталығы–2019» форумы барысында «ЕЭО жаңа қырлары: азаматтар мүддесінің даму стратегиясы» панельдік сессиясы өтеді. Пікірталас Еуразиялық экономикалық одақтың интеграциялық күн тәртібі білім, ғылым, денсаулық сақтау, туризм және спорт мәселелеріне арналады. Сессияға қатысушылар азаматтардың интеграциялық үдерістерге қызығушылығын арттыра алатын аталған салалардағы перспективалық жобаларды іске асыруды талқылайды», — деп атап өтті ұйымдастырушылар.
Сондай-ақ, ведомствода өткен жылдың 6 желтоқсанында ЕАЭО мүше-елдерінің президенттері одақ аясында интеграциялық үдерістерді одан әрі дамыту туралы декларация қабылдағанын еске салды. Құжаттың негізінде Еуразиялық экономикалық одақ тұрғындарының әл-ауқаты мен өмір сүру деңгейін арттыру және халықтың ғылымның, спорттың, туризм мен білімнің қазіргі заманғы жетістіктеріне кедергісіз қол жеткізуін қамтамасыз ету қағидаты жатыр.
