Республикалық бюджеттің атқарылуын бақылау жөніндегі есеп комитетінің мүшесі Талғат Жақан жекелеген қоғамдық бағдарламаларды іске асыру жөніндегі аудит қорытындысын шығару барысында «Қазақфильм» АҚ-ның қызметі жеткілікті табыс әкелмейтіндігін мәлімдеді.
Бұл туралы «ҚазАқпарат» ХАА жазды.
Ол «Қазақфильмді» ұстауға жұмсалатын шығындар биылғы жылы 1 миллиард 129 миллион теңгені құрағанын, ал кірістер 638,1 миллион теңгені, яғни компанияға жұмсалатын шығындардың жалпы көлемінің 56,5%-ын құрағанын атап өтті. Бұлдан «Қазақфильмнің» материалдық және техникалық базасының тозғанын түсінуге болады.
Алайда, Жақан кинокомпания жаңа жабдықтар мен техника сатып алса, онда «Қазақфильм» өзін-өзі ақтай бастау мүмкін деп атап өтті.
Бұрын кинокомпаниялар әдеби сценарийлерді белсенді сатып алды, бірақ ол фильмдер аудиторияға қызықты болмағандықтан, олар толық іске асырылмады және жалға берілмеді.
«Мысалы, 2010 жылдан бастап 48 мақұлданған сценарий бойынша фильмдер шығару жүзеге асырылмаған және құны 19 миллиард теңгеге түсірілген 325 фильмнің 185-і жалға берілмеген. Кинотеатрлар мен теледидар арқылы трансляциялаудан алынған кірістер шығарылған фильмдердің өзіндік құнын жаппайды. Соңғы 9 жылда 161 филтм түсірілді, оның шығыны 42 миллиард 951 миллион теңгені құрады, ал дестрибуция табысының сомасы осы кезеңде 698 миллион теңгені немесе небәрі 1,6% құрады», — деп қорытындылады Талғат Жақан.
Сурет: Inform.kz
