“Новосибирск – Главный” автобекетімен Қазақстан Республикасына рейстерге тапсырыс қабылдау басталды. Осындай алғашқы автобусты Павлодар қаласына ертең жіберу жоспарланып отыр. Тек барлық азаматтар Қазақстан Республикасына бара алмайды. Бұл туралы 4s-info.ru жаңалықтар ресурсы хабарлайды.
“Сіздің тілектеріңізді ескере отырып, Қазақстан Республикасының азаматтарын Ресей Федерациясының аумағынан шығару үшін Қазақстанға рейске тапсырыстарды қабылдаймыз”, – делінген Новосибирск автобекеті хабарламасында.
Ертеңгі рейс екі кезеңге бөлінеді: бірінші кезекте автобус жолаушыларын Новосибирск қаласының автовокзалынан Ресей-Қазақстан шекарасына дейін жеткізеді, содан кейін рейс бақылау-өткізу пунктінен Павлодар автовокзалына дейін жүреді. Бұл рейске билет бағасы 1500 рубль.
“Назар аударыңыз, сапар бір уақытта екі кезеңді сатып алған кезде ғана мүмкін болады. Сапар тек “Новосибирск-Главный” автовокзалының тәулік бойы кассаларында ғана тапсырыс беруге болады. Тапсырыс үшін кассирге Қазақстан Республикасы азаматының төлқұжатын көрсету қажет”, – делінген хабарламада.
Сондай-ақ, жолаушыға қорғаныс бетперде болуы қажет екендігі айтылды. Жеке қорғану құралдарының жоқтығы үшін қоғамдық көлікте жүргенде азаматтарға айыппұл салынуы мүмкін.
Сурет: yandex.ru
