Желіде Павлодар облысы бас сандәрігерінің ертеңнен бастап өңірде карантиндік шараларды жеңілдету туралы қаулысы пайда болды, деп хабарлайды «Қазақпарат» ақпараттық агенттігі.
10:00 — ден 17: 00-ге дейін өңірде азық-түлік емес тауарлармен бөлшек сауда нысандары, ал 9.00-ден 16.00-ге дейін фотосалондар мен гүл дүңгіршектері жұмыс істей бастайды.
Сондай-ақ, қаулыға сәйкес, шаштараздар мен сұлулық салондары өз қызметін бастайды, олар клиенттердің алдын ала жазылуы бойынша сағат 9:00-ден 16:00-ге дейін жұмыс істейтін болады.
Сонымен қатар, өңірде екінші деңгейлі банктер, пошта бөлімшелері, нотариустар мен адвокаттар кеңселері өз қызметін жүргізе бастайды. Оларға сағат 9:00-ден 16:00-ге дейін жұмыс істеуге рұқсат етіледі. Бизнес өкілдеріне қызмет көрсететін халыққа қызмет көрсету орталықтарында да осындай кестесімен жұмыстарын бастайды.
Сонымен қатар, Павлодар облысында ТҚС, құрылыс және сақтандыру компаниялары, ломбардтар, микроқаржы ұйымдары, валюта айырбастау пункттері, стоматологиялық клиникалар мен жөндеу шеберханалары жұмыс істей бастайды. Оларға алдын ала жазылу бойынша тек бір клиентті ғана қабылдауға рұқсат етіледі.
Соңғы мәліметтерге сәйкес, Павлодар облысында COVID-19 жұқтырудың 150 жағдайы тіркелген, ал елде олардың саны 3877-ге жетті.
