Кеше Түркістан облысында Кентау трансформатор зауыты қызметкерлерінің ереуілі өтті. Олардың жалақыны көтеру талабын алға қойды.
Жұмысшылар осы жылдың қаңтар айында зауыт басшылығы жалақыларын 60 мың теңгеге дейін азайтқанын хабарлады. Бұл адамдардың ереуілге шығуына себеп болды.
Өз кезегінде кәсіпорын директоры Хайролла Қожабаев еңбекақы жұмыс жүктемесі мен жұмыс істеген сағат санына тікелей байланысты екенін айтты.
Оның айтуынша, зауыттағы орташа жалақы 154 мың теңгені құрайды. Сондай-ақ, ол ереуілге жалақысы 120 мыңнан төмен қызметкерлер ғана қатысқанын атап өтті.
Ереуіл бірнеше сағатқа созылып, нәтижесінде жұмыс беруші ереуілге шыққандардың жалақысын 150 мың теңгеге дейін көтеруге уәде берді.
Соңғы уақытта біздің республикада ереуілдер жиілеп кетті. Қаңтар айының соңында Ақтөбе облысындағы “КМК Мұнай” және “АМК мұнай” мұнай өндіруші компанияларының жұмысшылары ереуілге шықты. Олар да жалақыны көбейтуді талап етті. Сайып келгенде, олардың жұмыс берушілері жеңілдіктер жасады.
Тағы бір ереуіл өткен аптада Шымкентте өтті. Онда Shymkent Bus компаниясының жүргізушілері мен кондукторлары жұмысқа барудан бас тартты, олар да еңбекақыны арттыруды талап етті. Shymkent Bus басшылығы мен мегаполис билігі ереуілшілердің талаптарын орындауға уәде беріп, жағдайды реттеді.
