Біздің мемлекетіміздің Денсаулық сақтау министрлігінің басшысы Алексей Цой өзінің Facebook-тегі парақшасында Қазақстанда коронавирус індетінің ықтимал күзгі толқынына жүргізіліп жатқан
дайындық туралы хабарлама жариялады.
Цой коронавирустық инфекция індеті әлі аяқталмағанын, күзде Қазақстан Республикасында індеттің өршуі мүмкін екенін атап өтті. Осыған байланысты Денсаулық сақтау министрлігі әкімдіктермен бірлесіп коронавирустың жаңа толқынына белсенді дайындалуда.
COVID-19 ықтимал өршуіне дайындық мақсатында “СК-Фармация” қазір 24 миллиард теңгеге екі айлық медициналық дәрі-дәрмек қорын қалыптастырумен айналысуда. 30 қыркүйекке дейін бұл жұмыс аяқталады деп жоспарлануда.
“СК-Фармация” базасында республикалық тұрақтандыру қоры құрылды, сондай – ақ 11 өңірлік тұрақтандыру қоры бар”, – деп толықтырды Алексей Цой.
Сондай-ақ, Денсаулық сақтау министрі еліміздің медициналық мекемелерін жабдықтау үшін қосымша 2 578 өкпені жасанды желдету аппараты сатып алынатынын айтты. Сонымен қатар, министр осы жылдың қазан айына дейін республиканың барлық аудандық ауруханаларында сандық рентген аппараттары болатынына уәде берді.
Алексей Цой ағымдағы жылдың қазан айына дейін Қазақстан Республикасында 2,7 мың орындық 13 инфекциялық аурухана салынатынын еске салды.
Ресми мәліметтерге сәйкес, біздің елімізде COVID-19 инфекциясымен ауырғандар саны 103571 құрайды. Сондай-ақ, Қазақстанда коронавирус белгілері бар пневмонияның 19754 жағдайы расталды.
Сурет: liter.kz
