Арменияның сыртқы саясат ведомствосының өкілдері біздің республикамен келісімге қол қойғанын, соның арқасында Қазақстаннан мұнай өнімдерін сатып алуға мүмкіндік алатынын хабарлады.
Сөз мұнай өнімдерін жеткізу саласындағы сауда-экономикалық ынтымақтастық келісімі туралы болып отыр. Бұл құжатқа Армения елшісі Гагик Галачян мен Қазақстан Энергетика министрлігінің басшысы Нұрлан Ноғаев қол қойды.
Арменияның Сыртқы істер министрлігі бұл келісім екі елдің өзара тиімді ынтымақтастығын нығайтуға ықпал ететінін айтты.
Армения СІМ де бұл құжат екі мемлекет арасындағы сауда-экономикалық өзара іс-қимылды дамыту үшін қолайлы жағдай туғызатынын атап өтті.
Бұған дейін Арменияның Аумақтық басқару және инфрақұрылым министрі Сурен Папикян оның елінің жанармай нарығына оң әсер ететіндіктен, қазақстандық мұнай өнімдерін жеткізуге мүдделі екенін айтқан.
Сурет: politring.com
