ҚР Энергетика министрлігі Мәжіліс депутаттарына «мұнай-газ химиясы өнімдерінің экспортын арттыру жөніндегі оптимистік болжамдарға» қатысты жауап берді, деп хабарлайды «ҚазАқпарат»ХАА.
«Бүгін елімізде жалпы қуаты шамамен 870 мың тонна мұнай-газ химиясы өнімдерін шығаратын 5 зауыт жұмыс істейді. Соңғы 4 жылда (2016-2020 жж.) өндірілген өнім көлемі 4 есеге өсіп, 360 мың тоннаны құрады, оның 80%-ы экспортталды», — деп хабарлады Энергетика министрлігінің баспасөз қызметі. Сонымен қатар, ведомство ұсынған ақпаратқа сәйкес, жұмыс істеп тұрған зауыттардың 100% жобалық қуатқа шығуы, 2021 жылы 3 зауыттың құрылысын аяқтау (қуаты жылына 500 мың тонна полипропилен өндіру бойынша, техникалық газдар өндіру бойынша, қуаты жылына 57 мың тонна бензинге арналған октан көтеретін қоспа өндіру бойынша), сондай-ақ 2025 жылға қарай 2 әлеуетті жобаны іске асыру (қуаты жылына 430 мың тонна полиэтелентерефталат өндіру бойынша, қуаты жылына 130 мың 2025 жылға қарай мұнай-газ-химия өнімдері өндірісінің көлемін 2,0 млн теңгеге дейін ұлғайтуға мүмкіндік береді, бұл 2020 жылғы көрсеткіштермен салыстырғанда 5,5 есе артық. «Бұл ретте жоспарланған жобалардың экспортқа да, ішкі нарыққа да off-take келісімшарттары бар екенін атап өтеміз», — деп түйіндеді Энергетика министрлігі. Естеріңізге сала кетейік, Мәжіліс депутаттары ҚР Премьер-Министрінің орынбасары Роман Склярға мынадай сұрақтармен депутаттық сауал жолдады: «мұнай-газ химиясы өнімдерінің экспортын арттыру бойынша оптимистік болжамдар неге негізделеді? Өнімді өткізу бойынша ұзақ мерзімді келісімшарттар негізінде немесе қандай да бір өнімді шығару бойынша қағаз жүзінде жоспарланған ниеттер негізінде?».
