Қазақстан Республикасы ОПЕК+ мәмілесі желісі бойынша өткен айда мұнай өндіру деңгейін төмендетуге қатысты өз міндеттемелерін жүз пайызға орындады. Бұл туралы Энергетика министрлігінің баспасөз қызметінен хабарлады.
“Ағымдағы жылдың тамыз айында, алдын ала мәліметтер бойынша, орташа тәуліктік мұнай өндіру тәулігіне шамамен 1,345 миллион баррельді құрады. Тамыз айына мұнай өндіруді қысқарту бойынша Қазақстанның ағымдағы міндеттемелері тәулігіне 1,397 миллион баррельді құрайды. Міндеттемелерді орындау 100 пайызды құрайды”, – деп Энергетика министрлігі атап өтті .
Бұған дейін қазақстандық тарап 2019 жылдың мамыр айында тамыз-қыркүйек айларында мұнайдың артық өндірілуін өтеуге уәде берді.
“Ағымдағы жылдың тамыз және қыркүйек айларында міндеттемелерді орындау және алдыңғы айларда өндірістің асып кетуін өтеу үшін жеткілікті деңгейде өндіру жоспарлануда”, – деп хабарлады ведомстводан.
Бұған дейін еліміздің Энергетика министрлігінің басшысы Нұрлан Ноғаев атап өткендей, біздің республикамыз мамыр айының басынан бері 12 күн бойы ОПЕК+ келісімі бойынша мұнай өндіруден 3,13 миллион баррельге асып түсті . Бұл көлемнің орнын толтыру осы жылдың тамыз және қыркүйек айларына жоспарланып отыр. Осылайша, министр атап өткендей, Қазақстан Республикасы Мұнай өндірісін шілде айында өткен жылдың қараша айындағы деңгейден 23 пайызға, тамыз-қыркүйек айларында 21 пайызға және қазан – желтоқсан айларында 18 пайызға азайтады.
“Осыған байланысты биылғы жылы мұнай өндіру болжамы 86 миллион тоннаны құрады, бұл 90 миллион тонна индикативтік болжамнан 4 пайызға аз”, – деп толықтырды бұған дейін Нұрлан Ноғаев.
