Кеше Үкімет отырысы аясында энергетика министрі Қанат Бозымбаев мұнай өнімдері нарығындағы жағдай тұрақты, жанар-жағар май тапшылығы жоқ екенін айтты.
Оның айтуынша, жақын арада Ұлттық экономика министрлігінің мұнай өнімдерінің ашық түрлеріне ЭСА ставкасын төмендетуге қатысты Бұйрығы қабылданады деп күтілуде. Биылғы маусымның екінші жартысында бензинді экспорттауды жоспарлап отыр.
Энергетика министрлігінің ақпараты бойынша, экспортталатын бензин көлемі осы айда шамамен 70 мың тонна болады деп күтілуде.
Маусымның басында Қазақстанның мұнай базаларындағы ЖЖМ қалдықтарының көлемі ішкі нарықтың қажеттілігін жабу үшін жеткілікті болды. АИ-92 маркалы бензин қоры 191,1 мың тоннаны құрады-бұл 22 күнге есептелген, дизель отыны – 205,1 мың тонна – 16 күн.
Қанат Бозымбаев маусым айының басындағы жағдай бойынша республика бойынша АИ-92 бензиніне орташа бөлшек баға 148,7 теңгені, жазғы дизель отынына-192 теңгені құрағанын айтты. АИ-92 бензинінің ең төменгі бағасы бір литрі үшін 139 теңгені, ал дизель отынына – бір литрі үшін 175 теңгені құрады.
Сурет: golos.ua
