Бүгін Қырғыз Республикасының Президенті Сооронбай Жээнбеков отставкаға кетті. Осыған байланысты , көрші елдің басшысы кім болады, деген сұрақ туындайды.
Nur.kz ақпарат агенттігінің хабарлауынша, Қырғызстанның Конституциясына сәйкес, егер мемлекет басшысы қандай да бір себептермен отставкаға кетсе, онда парламент спикері президент қызметін атқаруы керек.
Жоғарғы Кеңесті қазір Қанатбек Исаев басқарады. Ол 13 қазанда спикер болып сайланды. Оның кандидатурасына жалпы 78 депутат дауыс берді, екі адам қарсы болды.
Алайда, Қырғызстандағы наразылық білдірушілер Исаевтың президент міндетін атқаруына қарсы. Сондықтан, егер парламент спикері кейбір жағдайларға байланысты мемлекет басшысының өкілеттігін орындай алмаса, онда Конституцияға сәйкес, оны үкімет басшысы орындауы керек.
Қазір Қырғызстан Министрлер Кабинетін Садыр Жапаров басқарады, оның кандидатурасы 14 қазанда мақұлданды.
Ашық дереккөздерден Бішкектегі жаппай тәртіпсіздіктерге дейін Жапаров түрмеде жазасын өтеп жатқаны белгілі болған. Ол 2013 жылы «Кұмтор» алтын кен орнын ұлттандыру үшін митинг ұйымдастырып, оның барысында Ыстықкөл облысының бұрынғы мэрін кепілге алғаны үшін сотталды. Осы әрекеттері үшін Жапаров 11,5 жылға бас бостандығынан айырылды.
Сурет: tengrinews.kz
