ҚР Ұлттық Банкі Басқармасының, ҚР Қаржы нарығын реттеу және дамыту агенттігі басқармасының бірлескен қаулысымен және ҚР Қаржы министрінің 2020 жылғы 22 желтоқсандағы бұйрығымен кәсіпкерлік субъектілерінің банк шоттарынан қолма-қол ақшаны алу қағидалары бекітілді.
Осылайша, кәсіпкерлер екінші деңгейдегі банктерге және банк операцияларының жекелеген түрлерін жүзеге асыратын ұйымдарға берілген өтінімдер негізінде банктік шоттардан қолма-қол ақша ала алады.
Бұл ретте банк шоттарынан қолма-қол ақшаны алу жөніндегі талап қолданылмайтын кәсіпкерлік субъектілерін қоспағанда, кәсіпкерлік субъектілері күнтізбелік ай ішінде банк шоттарынан алатын қолма-қол ақша сомасы кәсіпкерлік субъектілерінің банк шоттарынан қолма-қол ақшаны алу сомасының шекті мөлшерінен аспауға тиіс.
Атап өтілгендей, белгілі бір жағдайларда банктік шоттардан белгіленген шекті мөлшерден артық ақша алуға болады:
— банктік шоттан қолма-қол ақшаны алу мақсатын растайтын құжаттардың болуы;
— кәсіпкерлік субъектілерінің Мемлекеттік кірістер органына, оның ішінде Мемлекеттік кірістер органы мен ҚР Ұлттық Банкі арасында мәліметтер немесе құжаттар алмасуды жүзеге асыру мақсатында мәліметтер және немесе құжаттар беруге келісім беруі;
— Банктің мемлекеттік кіріс органынан кәсіпкерлік субъектілерінің банк шоттарынан қолма-қол ақшаны алу сомасының шекті мөлшерінен асатын сомада қолма-қол ақша беруден бас тарту үшін негіздердің жоқтығы туралы мәліметтерді алуы.
Банк кәсіпкерлік субъектісі банктік шоттан қолма-қол ақша алуға өтінім берген күннен кейінгі жұмыс күні Нұр-сұлтан қаласының уақыты бойынша сағат 10:00-ден кешіктірілмейтін мерзімде мемлекеттік кіріс органына қағаз жеткізгіште немесе электрондық түрде банктік шоттан қолма-қол ақша алу мақсатын растайтын құжаттарды, Мемлекеттік кіріс органына, оның ішінде мемлекеттік кіріс органы мен Ұлттық Банк арасында мәліметтер алмасуды жүзеге асыру мақсаттары үшін мәліметтер немесе құжаттар беруге келісімді және банктік шоттан қолма-қол ақша алуға өтінім берген кәсіпкерлік субъектісінің
Мемлекеттік кіріс органы банктен мәліметтерді немесе құжаттарды алған күннен кейінгі жұмыс күнінің соңына дейін кәсіпкерлік субъектілерінің банк шоттарынан қолма-қол ақшаны алу сомасының шекті мөлшерінен асатын сомада қолма-қол ақшаны беруден бас тарту үшін негіздердің болуы не болмауы туралы мәліметтерді банкке жазбаша немесе электрондық нысанда жібереді.
Қағидаларға сәйкес, мемлекеттік кіріс органы тәуекелдерді басқару жүйесін қолдануды ескере отырып, мынадай шешімдердің бірін шығарады:
— тәуекелдің төмен дәрежесі бойынша-қолма-қол ақша беруден бас тарту үшін негіздердің жоқтығы туралы;
— жоғары тәуекел дәрежесі бойынша-қолма-қол ақша беруден бас тарту үшін негіздердің болуы туралы.
Кәсіпкерлік субъектісі мемлекеттік кіріс органынан қолма-қол ақшаны беруден бас тарту үшін негіздердің бар екендігі не жоқ екендігі туралы мәліметтерді кәсіпкерлік субъектілерінің алу сомасының шекті мөлшерінен асатын қолма-қол ақшаны алуға өтінім берген күннен бастап үш жұмыс күні ішінде банктің алмауы кәсіпкерлік субъектісіне қолма-қол ақшаны беру үшін негіз болып табылады.
Бұл ретте мемлекеттік кіріс органынан тәуекелдерді басқару жүйесін қолдану нәтижелері бойынша кәсіпкерлік субъектілерінің алатын сомаларының шекті мөлшерінен асатын сомада қолма-қол ақша беруден бас тарту үшін негіздердің болуы не болмауы туралы мәліметтер күнтізбелік бір ай ішінде жарамды.
Бірлескен қаулылар мен бұйрық 2021 жылғы 1 қаңтардан бастап қолданысқа енгізіледі.
Сурет: zakon.kz
