Балаларды емханаларға тіркеу қызметі, электрондық үкімет порталында және Telegram-ботеegov.kz өтеді, деп хабарлайды Zakon.kz
Қызметті портал арқылы алу үшін, тіркелу жеткілікті. Еgov.kz электрондық цифрлық қолтаңбасы (ЭЦҚ) болуы тиіс. Сондай-ақ, онлайн-қызмет 2007 жылға дейін туған балаларға көрсетілмейтінін білу маңызды.
Алдымен портал пайдаланушысы “Денсаулық сақтау” бөлімінде “медициналық-санитариялық алғашқы көмек көрсететін медициналық ұйымға бекітуді” таңдап, пайда болған электрондық алаңда, балаға қызмет көрсету опциясына басу керек.
Жүйе баланың ЖСН енгізуді ұсынады және туыстық байланысты тексеру үшін АХАЖ ақпараттық жүйесіне сұрау салады. Бұдан кейін сіз онлайн-өтініш берілген деректерді (өңір, медициналық ұйым, тіркелу себебі, учаскелік дәрігер және т.б.) таңдай аласыз.
Сұрау салуды жібергеннен кейін, ересектер тіркелген жағдайда да, нәтиже өтініш берушінің порталдағы жеке кабинетінде қолжетімді болады. Қызмет көрсету мерзімі-бір жұмыс күні.
Қызметті Telegram Bot арқылы алу үшін “медициналық-санитариялық алғашқы көмек көрсететін медициналық ұйымға тіркеу”қызметін таңдау қажет. Қызметті таңдағаннан кейін, пайдаланушы чаттағы тиісті түймелерге басу арқылы пәрмендерді жіберу қажет. Бот арқылы қызметтерді алу үшін жазылым жүргізу қажет (чаттағы “Старт” батырмасын басу және өз ұялы телефоныңыздың нөмірін пайдалануға рұқсат ету).
Естеріңізге сала кетейік, қазір Қазақстанда жыл сайынғы халықты емханаларға бекіту науқаны өтіп жатыр, ол ағымдағы жылдың 15 қарашасына дейін жалғасады. Науқанның алғашқы бес аптасында Алматы қаласы бойынша емхананы таңдау құқығын 16 мыңға жуық адам пайдаланды.
