Мемлекеттік кірістер комитеті «e-Salyq Azamat» мобильді қосымшасында қызметкерге есептелген жеке табыс салығының, зейнетақы жарналарының, міндетті әлеуметтік аударымдардың және медициналық сақтандыруға әлеуметтік аударымдардың сомаларын қарап шығуға мүмкіндік беретін «қызметкердің еңбегіне ақы төлеу» сервисін іске қосты.
Сервис 2020 жылдың 1 тоқсанынан бастап салық кезеңдері бойынша қолжетімді.
«Егер кіру электрондық цифрлық қолтаңба арқылы жүзеге асырылса немесе SMS пароль арқылы сәйкестендірілсе, деректер қолжетімді болады. SMS мобильді азаматтар базасында (ХҚКО) тіркелген ұялы телефон нөміріне түседі». — Мемлекеттік кірістер комитеті.
Деректерді қарау үшін «салық әмияны», «қызметкердің еңбегіне ақы төлеу» қосымша бетін таңдап, жыл мен кезеңді таңдау қажет.
МКК түсіндіргендей, бастапқы кезеңде деректерді жұмыс берушілер бюджетпен есеп айырысу кезінде жалпы белгіленген режимді немесе оңайлатылған декларация негізінде арнайы салық режимін қолданатын жеке тұлғалар қарай алады.
Мәліметтер болмаған немесе деректер сәйкес келмеген кезде салық есептілігін түзету үшін жұмыс берушіге жүгіну қажет.
«E-Salyq Azamat» тегін мобильді қосымшасын «App Store» немесе «Play Market» — тен жүктеуге болады.
Сурет: zakon.kz
