Мәжіліске парламенттік сайлау қорытындылары кейінгі қоғамдық-саяси реформалар, сондай-ақ жаңа саяси болашақ құру үшін берік негіз қалайды. Бұл туралы “Қазақстан Республикасы Парламенті Мәжілісі мен мәслихаттары депутаттарын сайлау қорытындылары”тақырыбындағы отырысқа қатысушылар мәлімдеді. Оны Ресей Федерациясындағы Қазақстан Елшілігі ұйымдастырды.
Отырыста сөз сөйлеген Қазақстан Республикасының Ресейдегі елшісі Ермек Көшербаев қатысушыларға парламенттік сайлаудың қалай ұйымдастырылғанын, қалай өткізілгенін, сондай-ақ олардың қорытындылары туралы айтып берді.
“Қазақстан президенті Қасым-Жомарт Тоқаев атап өткендей, жаңа сайлау науқаны басталғанға дейін көппартиялықты дамытуды саяси жаңғырту, елдің қоғамдық – саяси өміріне азаматтық қатысуды нығайту бойынша шаралар қабылданды”, – деді елші.
Реформалардың бір бөлігі Тоқаевтың сөйлеген сөзінде 15 қаңтарға жоспарланған Парламенттің жаңа құрамына үндеу жариялайды деп болжануда.
Жалпы, дипломаттың айтуынша, өткізілген сайлау Қазақстан Республикасы үшін тарихи маңызға ие.
“Олардың нәтижесі қазақстандықтардың бүгіні мен болашағы біртұтас ұлт ретіндегі ауызбіршілігінің жоғары деңгейін көрсетті. Халық Nur Otan партиясының саяси көшбасшылығын тағы да қуаттады, – деп Көшербаев қорытындылады.
Сурет: inform.kz
