Инвестиция жөніндегі қалалық кеңестің отырысында жалпы сомасы 50 млрд.теңгеден асатын 18 мектеп құрылысы бойынша 18 инвесторға қолдау көрсетілді.
Сингапур мен БАӘ инвесторлары Нұр-Сұлтандағы мектептердің шамадан тыс жүктелу мәселесін шешуге көмектеседі, деп елорда әкімі Алтай Көлгінов Астананы одан әрі дамыту мәселелері жөніндегі отырыста айтты Zakon.kz тілшісі хабарлайды.
— Қалалық инвестиция кеңесінің отырысында 18 мектеп құрылысы бойынша 18 инвесторға қолдау көрсетілді. Яғни, біз мұның бәрін бюджетке жүктеуді қаламаймыз. 18 мектеп жеке инвестиция есебінен 50 млрд теңгеден астам салынатын болады. Оның ішінде мектептер Сингапур, Үндістан, Бахрейн, БАӘ-ден инвесторлар салады. Қалған жергілікті инвесторлар, — деді Күлгінов.
Оның айтуынша, биылғы жылдың қорытындысы бойынша 4,5 мың орындық жеті мектеп салынды, 2020 жылы БҒМ-мен 9,5 мың орындық 12 мектеп салу жоспарлануда.
— Білім беру саласында басты міндет мектептердің жүктелуін алып тастау болып табылады. Бүгін елордада 15 жасқа дейінгі 295 мың бала бар. Бұл Целиноградтың халқына қарағанда көп. Егер 10 жыл бұрын 73 мектеп пен 75 мың оқушы болса, қазір 183 мың оқушы оқитын 112 мектеп бар, — деді әкім.
Ол биылғы жылы мектепті 9 мың оқушы бітіргенін, ал 1 қыркүйекте 1 сыныпқа 24 мың бала келгенін айтты.
— 25 мың оқушы орнына тапшылық бар. Қазіргі уақытта 8 мектепте үш ауысымда оқыту байқалады. Жоспар аясында 5 жылдық кезеңге 50 мектеп салу жоспарланған, — деп қортындылады Алтай Көлгінов.
