Астаналық стратегиялық және бюджеттік жоспарлау басқармасының басшысы Қайсар Манқараев қалалық мәслихат депутаттарына Нұр-Сұлтанның даму стратегиясын таныстырды.
Біздің республикамыздың астанасының даму стратегиясы туралы айта келе, басқарма басшысы қала тұрғындарымен белсенді талқыланғанын және Қоғамдық кеңестің отырыстарында қаралғанын атап өтті.
Сондай-ақ, Қайсар Манқараев бұл стратегия үш кезеңде жүзеге асырылатынын айтты. Оның айтуынша, 2025 жылға қарай Нұр-Сұлтан адамдарға арналған қала, 2030 жылға қарай бәсекеге қабілетті тұрақты астана болуы тиіс. Үшінші кезеңге қатысты — 2050 жылға қарай қала жаһандық болуы тиіс.
«Қаланың тартымдылығын қамтамасыз ету үшін бірінші қадам қолайлы қалалық орта құру болады. Біздің жұмысымыз сапалы жұмыс орындарын ұсынуға және азаматтардың кәсіпкерлікке тартылуына мүмкіндік беруге бағытталатын болады. Сонымен қатар, әл-ауқаттың жалпы деңгейін арттыру қажет», — деді Манкараев.
Өз кезегінде, астаналық мәслихаттың депутаты Мирас Шекенов стратегиямен таныса отыра, оған агломерацияны дамытуға бағытталатын белгілі бір түзетулер енгізу қажеттігін мәлімдеді.
«Біз қаласақ та, қаламасақ та қала үлкейіп, өсіп келеді, жақын жерде орналасқан Қосшы, ескі Ильинка, Көктөбе кенттері Нұр-Сұлтанның маңында,оның тұрғындары осында жұмыс істейді. Сондықтан Президенттің тапсырмасына байланысты агломерация мәселесіне міндетті түрде көңіл бөліңіз», — деді депутат.
Сурет: ru.rfi.fr
