Астананың 63 кәсіпкері “Бизнестің жол картасы-2020″бағдарламасы аясында жаңа бизнес-жоспарлары жүзеге асыру үшін грантқа ие болды.
2019 жылы 63 кәсіпкер мемлекеттік грантқа ие болды. Қалалық Инвестициялар және кәсіпкерлікті дамыту басқармасының ақпараты бойынша, 2018 жылмен салыстырғанда жобалар саны 2,6 есеге артты. Онда 24 кәсіпкер грантқа ие болды, деп қала әкімдігінің ресми сайты хабарлады.
Гранттар тек 29 жасқа дейінгі жас кәсіпкерлерге, әйелдерге, мүгедектерге және 50 жастан асқан адамдарға ғана берілді. Мемлекеттік қолдау алған кәсіпкерлер арасында-тауар өндірушілер, сондай-ақ білім беру, ақпараттық технологиялар, тігін және баспа ісі, ғылым, сәулет және қызмет көрсету салаларында жұмыс істейтін кәсіпкерлер.
Шағын және орта бизнесті дамыту үшін республикалық бюджеттен гранттарға 128 млн теңге бөлінді. Сонымен қатар, жыл аясында “Бизнестің жол картасы-2020” бағдарламасы аясында 29 жасқа дейінгі жас кәсіпкерлерге қосымша 75 млн теңге бөлінді.
Сурет: inbusiness.kz
