Қазақстан Энергетика министрлігі Нұр-Сұлтандағы балалар ойын-сауық паркін тексеру барысында бұзушылықтар анықтағанын хабарлады. Бұл туралы Энергетика министрлігінің баспасөз қызметі хабарлады.
ҚР Энергетика министрлігі атомдық және энергетикалық қадағалау мен бақылау комитетінің Нұр-Сұлтан қаласы бойынша аумақтық департаменті шағым бойынша Нұр-Сұлтан қаласындағы Орталық саябақтың балалар аттракциондарына қызмет көрсететін “Magic Park Astana” ЖШС-не қатысты жоспардан тыс тексеру жүргізді. Тексеру барысында аталған ұйымның электр қауіпсіздігі бөлігінде электр энергетикасы саласындағы нормативтік құқықтық актілердің талаптары сақталмайтыны анықталды”,-деп хабарлады министрліктің баспасөз қызметі.
Ведомство хабарлағандай, кейбір аттракциондарда жерге тұйықтау өткізгіштері,кейбірінде ескерту маңдайшасы, ал кейбірінде тіпті электоавтоматика жоқ.
“Тексеру нәтижелері бойынша әкімшілік құқық бұзушылық туралы хаттама жазылып, анықталған бұзушылықтарды жою туралы ұйғарым берілді”, – деп хабарлады ведомстводан.
Сонымен қатар, балаларға қызмет көрсетумен айналысатын барлық ұйымдар электр энергетикасының құқықтық актілерін сақтау қажеттілігі туралы ескертілді.
Сурет: kaztag.info
