Алматының бас мемлекеттік санитарлық дәрігері Жандарбек Бекшиннің 10 наурыздағы жаңа қаулысы жарияланды.
Құжатқа сәйкес ойын-сауық іс-шараларын, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар, еске алу), оның ішінде үйде және адамдар көп жиналатын басқа да іс-шараларды өткізуге тыйым салынады.
Сондай-ақ, Наурыз мейрамын және басқа да мерекелік корпоративтерді жаппай мерекелеуді ұйымдастыруға және өткізуге тыйым салынады.
Қала тұрғындары мен қонақтарына қызметі жаңартылмаған нысандарға баруға тыйым салынады. Бұл боулинг-орталықтар, компьютерлік клубтар (Ashyq жобасына қатысатын объектілерді қоспағанда), бильярд, караоке, батуттар, түнгі клубтар, букмекерлік кеңселер, лото және ойын клубтары, жабық үй-жайлардағы ойын алаңдары мен аттракциондар, оның ішінде спорт объектілерінде орналасқандарды қоспағанда, мұз және роликті мұз айдындары.
Бетпе-бет форматта кеңестер (отырыстар) өткізуге тыйым салынады.
Ерекше қорғалатын табиғи аумақтарға 15 адамнан аспайтын жеке немесе ұйымдасқан топтармен баруға рұқсат етіледі.
Ауданы 1 000 шаршы метрден асатын ірі сауда объектілеріне келушілердің санитариялық шараларды сақтауын бақылау үшін санитариялық патрульдер құру ұсынылады.
Коронавирустық инфекцияның жеңіл және орташа нысандарымен ауыратын науқастарды ауруханаға жатқызу, сондай-ақ үй карантинін сақтау үшін жағдайлар болмаған кезде асимптоматикалық нысандарды ауруханаға жатқызу міндетті.
Қаулы 2021 жылғы 13 наурызда күшіне енеді.
