Қазақстан Үкіметі басшысы Асқар Мамин еліміздің ұлттық олимпиада комитетінің бас ассамблеясының алғашқы отырысын ашты.
Талқылаудың басты тақырыбы ұлттық олимпиада комитетінің президентін сайлау болды.
Отырыс барысында Асқар Мамин өскелең ұрпаққа ерекше көңіл бөлу керектігін айтты.
“Олардың арасында таланттар көп. Біздің міндетіміз оларды табу, оқыту және ірі әлемдік жарыстарда жеңіске жеткізу. Әрбір федерация үшін бұл басымдық болып табылады. Сондай-ақ, біздің құрама Токиодағы Олимпиада ойындарында лайықты өнер көрсету үшін барлық күшімізді салуымыз керек. Біздің әлеуетіміз бар. Құрметті отырысқа қатысушылар, үкімет пен Қазақстан ҰОК-ның үйлесімді жұмысының арқасында ірі жарыстар өткізілді. Бұл әлемдік деңгейдегі турнирлерді өзімізде өткізе алатынымызды білдіреді”, – деді премьер-министр.
Сонымен қатар, үкімет басшысы келер жылы спортты дамытуға 54 миллиард теңге бөлу жоспарланып отырғанын атап өтті. Ақша республикалық бюджеттен бағытталады.
“Спорттық инфрақұрылымды дамытатын боламыз.Сөзімнің соңынында ҰОК басшысын сайлау маңызды және жауапты оқиға болып табылатынын атап өткім келеді, себебі әңгіме елдегі спорттың одан әрі дамуы туралы болып отыр.Дұрыс таңдау жасайтынымызға сенімдімін”, – деді Асқар Мамин.
