Нұр-сұлтан қаласында көп балалы отбасылар үшін сатып алу құқығынсыз жалға берілетін тұрғын үйге құжаттар қабылдау жүргізілуде, деп “ҚазАқпарат” ХАА елорда әкімдігінің тұрғын үй қорының Facebook парақшасына сілтеме жасап хабарлайды.
Тұрғын үй орталығы көп балалы отбасылар үшін сатып алу құқығынсыз жалға берілетін тұрғын үйге құжаттарды қабылдау туралы 2020 жылғы 15 желтоқсан сағат 12:00-ден 23 желтоқсан сағат 00:00-ге дейін жариялады.
Бұл бағдарламаға “көп балалы отбасылар” санаты бойынша тұрғын үйге кезекте тұрған көп балалы отбасылар (тек осы санат) қатыса алады.
Пәтерлердің жалпы саны – 161 (ауданы 51-77 ш.м. екі бөлмелі пәтерлер).
Орналасқан жері: А91 көшесі, ж.Нәжімеденов көшесі, Е430 көшесі, ж. Омаров көшесі, Р. Қошқарбаев даңғылы, Махтумкули көшесі.
Құжаттарды қабылдау тек электронды түрде zhilfond.kz сайт арқылы жүргізіледі көрсетілген кезеңде (“Онлайн-сервистер” – “сатып алу құқығынсыз жалға берілетін тұрғын үйге өтінім беру” бөлімі»);
Іріктеу қою күні мен отбасы құрамы бойынша “көп балалы отбасы”санаты бойынша Кезекте тұрғандардың қатысуға құжаттарын тапсырғандар арасында өтеді.
Өтінім беру үшін:
1) ЭЦҚ кілті болуы қажет;
2) балалардың туу туралы куәліктерінің/отбасы мүшелерінің жеке куәліктерінің сканерленген нұсқасы (бар болса);
3) мүгедектік туралы анықтаманың сканерленген нұсқасы (бар болса);
4) отбасының барлық мүшелеріне Қазақстан Республикасы бойынша мүліктің бар / жоқ екендігі туралы анықтама;
5) қорытынды /бұзу/қайтыс болу туралы куәлік/ 4-нысандағы анықтама (санамаланғандардың бірі).
Өтінімдерді қарау нәтижелері кейін сайтта жарияланатын болады zhilfond.kz және тұрғын үй орталығының әлеуметтік желілерінде, деп түсіндірді Тұрғын үй қорында.
Сұрақтар және жауаптар
– Тұрғын үйдің бұл түрі қанша жылға беріледі? – Аталған тұрғын үйді берген кезде сізбен ұзарту құқығымен 5 жыл мерзімге жалдау шарты жасалады. Тиісінше, сіз әр 5 жыл сайын жалдау шартын қайта жасасу арқылы шексіз уақыт өмір сүре аласыз.
– Өтініш берген кезде пәтердегі бөлмелер санын таңдай аламын ба?
– Жоқ, бөлу өтініш берушінің отбасы құрамына сәйкес жасалады.
– “Толық емес отбасы”/ “мемлекеттік қызметші” және т. б. тұрғын үй кезегінде тұрған көп балалы отбасы өтінім бере ала ма?
– Жоқ, тек “көп балалы отбасы” санаты бойынша кезекте тұрған азаматтар ғана өтінім бере алады.
Сурет: inform.kz
