“Игі істер марафоны” аясында Халықаралық әйелдер күні қарсаңында Нұр-сұлтан әкімдігінің бастамасымен халықтың әлеуметтік осал топтарына азық-түлік себеттері таратыла бастады, деп қала әкімдігінің ресми сайты хабарлайды.
6-9 наурыз аралығында елордада “игі істер марафоны” аясында 2 мыңнан астам азық-түлік себетін тарату жоспарланған. Отбасына бір себеттен беріледі. Олардың әрқайсысының салмағы 25-27 келі. Ішінде жарма, макарон, күнбағыс майы, күріш, қарақұмық, қант, шай, ұн, кәмпиттер, балаларға арналған тәттілер және тұрмыстық химия сияқты 20-ға жуық түрлі өнімдер бар: кір жуғыш ұнтақ, сабын, сусабын.
“Біз барлық мұқтаж азаматтарға арнайы тізім бойынша азық-түлік себеттерін бере бастадық. Бұл қарттар, I, II, III топтағы мүгедектер, мүгедек балаларды тәрбиелеп отырған отбасылар, жалғыз басты аналар, көп балалы отбасылар. Акция аясында 6-9 наурыз аралығында біз 2 мың отбасына көмектесуге ниеттіміз. Мұндай шаралар кешені наурыз айының соңына дейін жалғасады. Айдың соңына дейін біз одан да көп отбасыларды қамтуды жоспарлап отырмыз. Көмек демеушілермен көрсетіледі. Бұл себеттерді үйлерге әкімдік қызметкерлері, қарапайым азаматтар, еріктілер жеткізеді. Біз осы акцияны қолдауға, азық-түлік себетін қалыптастыруға және оны мұқтаж отбасыларға жеткізуге барлық адамдарды шақырамыз”, – деді елорданың ішкі саясат басқармасының басшысы Дәурен Бабамұратов.
Nur Otan партиясы елордалық филиалы төрағасының бірінші орынбасары Дәулет Кәрібектің айтуынша, көмек елорданың барлық төрт ауданында тұратын отбасыларға көрсетіледі.
Өз кезегінде мерекелік себет алған елорда тұрғыны Ирина Ревуцкая көмек үшін алғысын білдіріп, барлық әйелдерді 8 Наурыз мерекесімен құттықтады.
“Құттықтауға келгеніңіз үшін көп рахмет. Сіз адамдарға көмектескеніңізге өте қуаныштымын. Әрине, мұндай көмек жиірек көрсетілсе екен деймін. Бізді әйелдер де, ерлер де ұмытпасын. Әдемі жартысын 8 наурызымен құттықтаймын. Ер адамдар әйелдерге көбірек көңіл бөлсін. Ең бастысы, баршаңызға денсаулық пен сәттілік тілеймін. Осылай келіп, құттықтағаныңыз үшін көп рахмет”, – деді Ирина Ревуцкая.
Мерекелік себетке ие болған басқа тұрғындар да ризашылықтарын білдірді. 6 наурызда азық-түлік себеттері мыңнан астам отбасына жеткізілді, қалғандары жақын күндері беріледі. Барлық санитарлық нормалар сақталады.
Әкімдік осы акцияны қолдауға, азық-түлік себетін қалыптастыруға және оны мұқтаж отбасыларға апаруға барлық адамдарды шақырады. Көмекке, қорғауға және біздің қатысуымызға мұқтаж адамдарға бәріміз бірге көмектесейік!
