Нұр-Сұлтан әкімі Алтай Көлгінов елордалық бес мектепте болды. Бұл туралы ол Instagram әлеуметтік желісіндегі ресми парақшасында хабарлады.
Бастапқыда Күлгінов Кенесары 49 көшесіндегі № 31 оқу орнына барды. Мұнда ол оқуды ұйымдастыру жұмысын жеңілдетіп, екі ауысымды оқуға көшуге мүмкіндік беретін, салынып жатқан корпус құрылысының барысымен танысты.
Бұдан әрі елорда әкімі Петров көшесі, 8 мекен-жайында орналасқан №28 мектепте болды. Осы жылдың соңына дейін ғимарат салынады деп жоспарлануда.
Одан кейін елорда әкімі 500, 900 және 550 орындық корпустар салынып жатқан №40, №8 және №60 мектептер аумағына барды.
Сапар барысында Алтай Көлгіновке бұл корпустар үш ауысымды оқытудан екі ауысымды оқытуға көшуге мүмкіндік беретіндігін айтты.
Өз сапарын қорытындылай келе, қала басшысы жоғарыда аталған нысандардың құрылысын белгіленген мерзімде аяқтау қажеттігін атап өтті. Сонымен қатар, ол құрылыс жұмыстары кезінде аумақтарды абаттандыруға көңіл бөлу қажеттігін баса айтты.
