Қазақстан президенті Қасым-Жомарт Тоқаев екі заңға қол қойды, деп zakon.kz Ақорданың баспасөз қызметіне сілтеме жасап хабарлайды.
Мемлекет басшысы “мемлекетаралық стандарттау жөніндегі құжаттарды тарату туралы келісімді ратификациялау туралы”Қазақстан Республикасының Заңына қол қойды.
Өзара іс-қимылды үйлестіру стандарттар жөніндегі бюро арқылы орталықтандырылып жүзеге асырылатын болады. Мұндай тәсіл іске асырылатын мемлекетаралық стандарттарды орталықтандырылған есепке алуды, оларды пайдаланудың заңдылығы мен қажеттілігін қамтамасыз етуге бағытталған.
Осы Келісімді ратификациялау мынадай мәселелердің шешілуін қамтамасыз етеді: мемлекет үшін – мемлекетаралық стандарттарды заңды түрде сату, оларды қазіргі заманғы болмысқа бейімдеу үшін құқықтық негіз жасайды; бизнес үшін – шығасыларды азайтады. Одақтың техникалық регламенттері үшін мемлекетаралық стандарттарды қолдану деңгейін арттырады.
Сондай – ақ Президент “Тәуелсіз Мемлекеттер Достастығына қатысушы мемлекеттердің бас бостандығынан айыруға байланысты емес жазалардың орындалуын беру туралы конвенциясын ратификациялау туралы”Қазақстан Республикасының Заңына қол қойды.
Конвенцияға сәйкес сотталған немесе заңды өкіл тұрғылықты жері бойынша жазасын өтеу туралы өтінішхатпен жүгінеді. Өтінішхаттың негізінде Бас прокуратура сұрау салу жібереді, сұрау салуға азаматтығы туралы куәландыратын құжаттар, оның жазбаша келісімі, сот шешімінің көшірмесі, мінездеме, залалдар туралы мәліметтер қоса беріледі. Сотталған адамды қабылдайтын ел жазаны белгіленген жазадан қатаң емес деп айқындайды.
