Абай атындағы Қазақ Ұлттық педагогикалық университеті биыл алғаш рет ЖЭМ білім беру институты (Мәскеу қ.) жыл сайын өткізетін білім берудегі инновациялар конкурсының серіктесі болды. Бұл туралы “ҚазАқпарат” ХАА, ЖОО-ның баспасөз қызметіне сілтеме жасай отыра хабарлайды.
Университетте айтылғандай, серіктестік “Білім беру инновацияларын іріктеу мен бағалау және педагогикалық эксперимент жүргізу” халықаралық жобасы аясында ұйымдастырылған “Білім берудегі инновациялар” байқауы алғаш рет 2021 жылы Қазақстан Республикасында өткізіледі. Мақсаты – білім беру инновациялары әзірлейтін бастапқы деңгейдегі жобаларды іріктеу, білім беру бағдарламалары арқылы олардың дамуын қолдау және конкурстың серіктестік желісіне интеграциялау”, — делінген таратылған хабарламада. БбИБ-ға Қазақстанда жасы мен тәжірибесі бойынша шектеу жоқ, білім беру жобасымен жұмыс істейтін 2-6 адамнан тұратын командалар қатыса алады. Білім беруді өзгертуге, оған жаңа идеялар әкелуге, қолданыстағы тәсілдерді өзгертуге ниет білдіргендердің бәрі дәстүрлі түрде БбИБ қатысушылары атанады. Оқытушылар, кәсіпкерлер, инноваторлар идеядан бастап қолданыстағы жобаға дейін, топпен немесе топсыз іске асырудың әртүрлі сатыларында идеяларымен бөліседі. БбИБ-ға қатысу — әлеуетті серіктестерге өз жобасы туралы айту, сарапшылардың құнды ұсыныстарын алу және БбИБ-жазғы мектебінің акселераторына кіру құқығы үшін күресу мүмкіндігі (онлайн маусым-шілде 2021 ж.). Байқауға қатысу үшін командалар жобаны және команданы сипаттап өтінім береді. Қатысу тегін. 2021 жылғы БбИБ-Қазақстан кезеңдері: 1 сәуір — 15 мамыр — байқауға өтінімдер қабылдау. Өтінім берген әрбір команда конкурс сарапшыларынан кері байланыс алады — 20 сәуір – преакселератор: қатысушылар өз идеясы туралы мәлімдей алатын, жобаны іске асыру үшін команда құра алатын және КИвО-Қазақстанға өз өтінімін нақтылау үшін сарапшылардан кері байланыс ала алатын бір күндік онлайн-кездесу; 25 мамыр — өтінімдер жинау қорытындысы, БбИБ-Қазақстан жартылай финалистерін хабарлау 31 мамыр — БбИБ-Қазақстан онлайн-финалы. Жеңімпаз жоба командасы байқау акселераторы-БбИБ жазғы онлайн-мектебіне шақыру алады (21 маусым — 8 шілде 2021). Мектеп кезінде менторлардың, трекерлер мен тәлімгерлердің арқасында жоба дамудың жаңа сатысына шығып, БбИБ-2021 финалына қатысуға мүмкіндік алады. БбИБ-ға қатысу шарттары, жеңімпаз жобалар туралы толығырақ ұйымдастырушылардың сайтынан білуге болады.
