Бүгін Қазақстан премьер-министрінің орынбасары Ералы Тоғжанов індеттің таралуының алдын алуға жауап беретін ведомствоаралық комиссияның кезекті отырысын өткізді, деп хабарлайды Үкімет басшысының баспасөз қызметі.
Отырыс барысында комиссия мүшелері Қазақстандағы эпидемиологиялық жағдай мәселелеріне назар аударды. Сондай-ақ халықаралық әуе қатынасын кезең-кезеңмен ашу қаралды.
Бейнеконференцияға қатысушылардың алдында сөз сөйлеген Денсаулық сақтау министрінің орынбасары Людмила Бюрабекова қазақстандықтар санитарлық талаптарды сақтамауы нәтижесінде республикада коронавирус ауруының өскені байқалатынын мәлімдеді.
Денсаулық сақтау министрлігі басшысының орынбасарының есебін тыңдағаннан кейін, Ералы Тоғжанов ауру деңгейі өсіп жатқан Қазақстан облыстарының әкімдіктеріне карантин режимін күшейту шараларын қабылдауды тапсырды.
Сонымен қатар әкімдіктерге санитарлық-эпидемиологиялық талаптардың сақталуын бақылайтын мониторингтік топтардың жұмысын күшейту тапсырылды.
Бүгінгі таңда Қазақстанда ресми түрде covid-19 жұқтырудың 13558 оқиғасы тіркелген, олардың басым бөлігі Алматыда – 2957 оқиға анықталды.
Сурет: ria.ru
