Елорданың орталық көшелерінің бірінде жүру бөлігінде жол белгілерін проекциялау жүйесі орнатылған. Тәжірибені Қазақстанның барлық ірі қалаларында тарату жоспарланып отыр. Бұл туралы ҚР Премьер-министрі Асқар Мамин мәлімдеді, деп “ҚазАқпарат”ХАА хабарлайды.
“Нұр-сұлтан қаласының Қабанбай батыр даңғылы бойындағы реттелмейтін жаяу жүргіншілер өткелінде пилоттық жоба іске асырылуда (астаналық цирк ғимараты ауданында жүру бөлігінде жол белгілерін проекциялау жүйесі орнатылған). Бұл жүйе жыл мезгілі мен климаттық жағдайларға қарамастан, түнгі уақытта жаяу жүргіншілер өтетін аймақ пен жаяу жүргіншілердің тиісті көрінуін қамтамасыз етуге, сондай — ақ жүргізушілердің назарын шоғырландыруға мүмкіндік береді, бұл жүйенің басты артықшылығы болып табылады”, – деп жазды Асқар Мамин депутаттық сауалға берген жауабында. Пилоттық жобаның нәтижелері бойынша оларды Қазақстанның барлық ірі қалаларында орнатуды жалғастыру жоспарлануда. “Жол қозғалысын қауіпсіз ұйымдастыруды қамтамасыз ету шеңберінде тұрақты негізде халықаралық озық тәжірибе енгізілуде. Сонымен, бірқатар облыстарда” Ақылды ” жаяу жүргіншілер өткелдері орнатылды, олар арнайы датчиктердің көмегімен жол учаскесін автоматты түрде жарықтандырады. “Зебрадағы” жаяу жүргіншілер түнгі уақытта және жеткіліксіз көріну жағдайында жүргізушілерге айқын көрінеді (мұндай жаяу жүргіншілер өткелдері Сарыағаш, Атырау, Талдықорған және Павлодар қалаларында жұмыс істейді)”, — деп толықтырды Премьер-министр.
